Petra, artista da Idade do Bronce e guía turística.

Preme na imaxe para ampliala.

Hoxe presentamos a 

Petra,

a artista da Idade do Bronce

de Terras de Pontevedra.

Da súa man viaxaremos, de xeito lúdico, pola magnífica

colección de arte rupestre que albergan os concellos de Pontevedra,Poio, Marín, Vilaboa, Cotobade, 

Ponte Caldelase Campo Lameiro.

A exposición completarase con multitude de opcións

para os amantes da natureza: sendeiros, carballeiras,

praias, solpores... que nos agardan 

nunha contorna chea de recantos de

 beleza incomparable.

Agardámosvos!

Ángeles Álvariño no Museo Massó, en Bueu.

Un Conto Ilustrado Oceánico 

sobre a científica galega, Ángeles Alvariño,

que tes que vir a escoitar e debuxar 

no Museo Massó, en Bueu.

O xoves 11 de agosto, ás 12:00 h.

Obradoiro de camisetas! Homenaxe a Castelao!

No 2016, cúmprense cento trinta anos do nacemento en Rianxo de Alfonso Rodríguez  Castelao, e tamén cen dende a súa chegada e namoramento sempiterno da cidade de Pontevedra.

Por iso, preparamos estas actividades de Contos Ilustrados e
Obradoiros de deseño de Camisetas con REI ZENTOLO!

Comezamos este venres na 
Casa Museo Valle-Inclán
en Vilanova de Arousa,
ás 18:00 h!

Debuxando a Castelao na camiseta Rei Zentolo

Dúas mostas do obradoiro de Camisetas Rei Zentolo no Ano Castelao

Levaredes unha camiseta reizentolo feita por vós!

Do que aconteceu no Canellón do Gato, en Tui!

Con motivo da celebración do 150 aniversario 

do nacemento de Ramón María del Valle-Inclán,

realizaremos unha actividade de contos e debuxos

na Biblioteca Pública Municipal de Tui.

O venres 17 de xuño

ás 18:00 h.

Vai ser esperpéntico!

A Banda Deseñada como ferramenta de transformación

Obradoiro A Banda Deseñada como ferramenta de transformación:

Viñetas conscientes “Dominicanas Somos” da man de Polo Correo do Vento.
Terá lugar na Casa da Luz o día 9 de xuño ás 18:00 h.

Trátase dun obradoiro de iniciación a técnicas de debuxo e guionización dun cómic tomando como referencia a experiencia dos autores coa cooperación na República Dominicana e a realización da BD "Dominicanas somos ". Porase en práctica a creación de personaxes, a elaboración do guión técnico e literario e tentaremos crear unha pequena historia e debuxala.

Actividade a partir de 15 anos e necesidade de inscrición previa ata o 6 de xuño no mail organizacion@agareso.org

Esta actividade forma parte da "Semana da Des-Igualdade Global e a Cooperación"
organizada polas ONGDs Asemblea de Cooperación pola Paz e a Asociación Galega de Reporteiros Solidarios, do 6 ao 11 de xuño en Pontevedra, onde trataremos de pór en valor a Cooperación como ferramenta de transformación social a nivel mundial. Temos programadas unha batería de 25 actividades para todas as idades que de luns a sábado irán promovendo esta reflexión conxunta a través de obradoiros lúdicos,proxeccións de documentais, debates, charlas, actividades de rúa, exposicións fotográficas, concertos…

Se queredes máis información, comunicádevos con nós ou seguídenos nas redes. Evento facebook:https://www.facebook.com/events/1718715168412155/

Programa completo: https://www.dropbox.com/s/gjxf4skw2efata2/Programa%20Desigualdade.pdf?dl=0

Descargade Dominicanas Somos aquí: 

http://crtaboada.wix.com/dominicanassomos#!descargas

Día das Letras Galegas para Manuel María!!

Bando

Prohíbese, por orde da Alcaldía,

que medren porque sí

as rosas do xardín municipal.

Dende agora as pombas teñen

que pedir licencia pra voar.

Prohíbeselle á lúa que anda tola

andar ceiba no ceo.

Que a lúa é unha tola que anda espida

e dando mal exemplo …

Están fora da Lei

a Primavera,

as flores e os carballos,

as estrelas, os peixes e os paxaros.

Dende agora as pombas teñen

que pedir licencia pra voar.

Pagarán polos trabucos os poetas.

Prohíbese soñar …

Prohíbese tamén derramar bágoas.

e pódese chorar …

e pódese chorar cando hai sequía

pra que enchan os pantanos.

Dende agora as pombas teñen

que pedir licencia pra voar.

E un só se pode emocionar

os Xoves e os Domingos

cando toca, cando toca

a Banda do Concello

a Banda do Concello no quiosco.

E un só se pode emocionar

os Xoves e os Domingos

cando toca, cando toca

a Banda do Concello

a Banda do Concello no quiosco.

Dase este bando en tal e cuale

pra que se cumpra de orde do Alcalde.

Firmado e rubricado.

Manuel María, Documentos persoais, 1958.

«Autores e autoras galegos na Arxentina»

Volvemos a Buenos Aires! 

Coas maletas cheas de contos e debuxos,... 

prolongando esa ledicia que é

 o Salón do Libro Infantil e Xuvenil de Pontevedra!

«Autores e autoras galegos na Arxentina» 

organizada pola Fundación El Libro, 

será a nosa actividade que terá lugar na 

42ª Feria Internacional de Buenos Aires, 

o próximo mércores 27 de abril, ás 19:00 h. 

Velaquí tedes dúas versións do «afiche»

 que fixemos para a ocasión! 

Máis información en: http://www.el-libro.org.ar/internacional/programa/dia/27-4/

A Revolución baixo o mar

"A Revolución baixo o mar",

unha historia de amor e Revolución,

que veñen sendo a mesma cousa!

na Feira do Libro de Pontevedra,

o venres 8 de abril,

organizado pola 

Biblioteca de Pontevedra

na Praza da Ferrería!

Rebeca Atencia, de misión no Congo!!

Seguindo coas nosas actividades de Contos Ilustrados

adicados ás Científicas Galegas, 

voltamos novamente este venres 11 de marzo 

á Biblioteca Pública de Pontevedra

con contos e debuxos dende os recantos máis salvaxes

e misteriosos da República do Congo.

Xa se escoitan os tambores!!

Alfonso Rodríguez Castelao. Día da Ilustración, 2016.

"Debuxei sempre en galego, 

escribín sempre en galego 

e se tirades o que hai de galego 

e de humano na miña obra,

 non restaría nada dela".

‪Alfonso Rodríguez Castelao‬

Hoxe celebramos 130 anos 

do nacemento de Alfonso Rodríguez Castelao 

e tamén o Día da Ilustración.

               

Día da Ilustración. Homenaxe a Luís Seoane.

Cada 30 de xaneiro, celebramos o Día da Ilustración coincidindo coa data 

do nacemento de Alfonso R. Castelao, e este no ía ser menos...

O ano pasado fixemos un Conto Ilustrado na Biblioteca Pública 

de Pontevedra homenaxeando ao Mestre, con moi bo resultado,

así que esta vez, Polo Correo do Vento adicaralle tan sentida data 

a outro dos nosos preferidos: Luís Seoane!! 

Debuxando e narrando estaremos na Biblioteca Pública de Pontevedra,

o venres 29 de xaneiro con

"Retratos de esguello"

ás 18.00 h

Achegádevos!!

Benvido 2016, Letras Galegas para Manuel María!!

Manuel María, Letras Galegas, 2016. Fotografía: Reporteira Jo. Debuxo: Carlos Taboada.

Este ano, 2016, as Letras Galegas son para Manuel María!!

Moito imos contar e debuxar en homenaxe ao poeta da Terra Chá,

namentres, convidámosvos a visitar a Casa de Hortas, en Outeiro de Rei,

de xeito presencial e vitual:

http://www.casamuseomanuelmaria.gal/

Casa de Hortas, Outeiro de Rei. Fotografía: Reporteira Jo.

Na nosa colección "Ao noso xeito" de Edicións do Cumio, 

fixémoslle unha simpática homenaxe con " O poeta do Miño", 

baseándonos no poema "Proclama ós peixes do Miño"

pertencente ao libro "Miño, canle de luz e de néboa" 

publicado por Espiral Maior no 1996. 

"O poeta do Miño" Edicións do Cumio, 2015.

                                 

Bo Nadal e próspero aninovo 2016!!

Peregrinos, bohemios e soñadores,

 continuamos o 2015 facendo 

o que máis nos gusta: tecer historias...

Narrando, ilustrando, fotografando e mesmo cantando!!

O 2016 non quere ser menos, e vén cargado de futuro.

 Agardándonos en peiraos e bibliotecas, fican as nosas novas personaxes,

 e tamén as de sempre.

Agardando que unha palabra descoñecida, un risco de xiz, 

unha ardentía inesperada ou un arpexo feliz,

 faga que esperten de novo, e comece outra vez o Conto...

Bo Nadal e próspero Aninovo 2016!!

Polo Correo do Vento.

Ángeles Alvariño, na Biblioteca de Pontevedra

O próximo venres 11 de decembro, 

na Biblioteca Pública de Pontevedra,

ás 18:00 h, en homenaxe ás científicas galegas, 

contaremos e debuxaremos a Ángeles Alvariño,

oceanógrafa mundial!! 

achegádevos!!

"O poeta do Miño, unha homenaxe a Manuel María"

Este venres, 20 de Novembro, ás 18:30 h, 

na Librería Cronopios de Pontevedra, presentaremos para as

 máis pequenas e pequenos

 "O poeta do Miño, unha homenaxe a Manuel María",

 contando e debuxando!! Achegádevos!!

E máis tarde para xa non tan pequenas e pequenos,

 ás 21:00 h, faremos unha presentación na Casa da Luz,

 na Praza da Verdura de Pontevedra!! 

Achegádevos tamén!

‪